जिवतीची आरती,श्रावण शुक्रवार आरती

जिवतीची आरती,देवीची आरती,श्रावण शुक्रवार आरती

जयदेवी जयदेवी 

जय जिवती जननी 

सुखी ठेवी संतति विनंति

तव चरणी ॥ धृ ॥

श्रावण शुक्रवारी आणूं प्रतिमा 

घरात स्थापूनी करु पूजना 

आघाडा दूर्वा माळा वाहूं या 

अक्षता वाहूनी कहाणी सांगू या  1

पुरणपोळीचा नैवेद् करू 

सुवासिनींना भोजन घालू 

चणे हळद कुंकू दूधही देऊ

जमुनी आनंदे आरती गाऊ 2

सटवीची बाधा होतसे बाळांना 

सोडवीसी त्यांतूनी तूंची तयांना 

यासाठी तुजला करिती प्रार्थना 

पूर्ण ही करी मनोकामना 3